კონიუნქტივიტი – სიმპტომები, მიზეზები და ნატუროპათიული მკურნალობა

კონიუნქტივიტი – სიმპტომები, მიზეზები და ნატუროპათიული მკურნალობა

კონიუნქტივიტი თვალის ლორწოვანი გარსის ანთებაა. კონიუნქტივა არის თხელი ქსოვილი, რომელიც ფარავს თვალის თეთრი ნაწილის და ქუთუთოს შიგნითა ზედაპირებს.

კონიუნქტივიტი ბავშვებში საკმაოდ გავრცელებული ანთებითი დაავადებაა. ის შეიძლება ძალიან გადამდები იყოს (სწრაფად ვრცელდება სკოლებში), მაგრამ იშვიათად იღებს სერიოზულ ფორმას. თითქმის საერთოდ არ არის მოსალოდნელი მხედველობის დარღვევები, განსაკუთრებით, დროული აღმოჩენის და მკურნალობის დროს. ექიმის რეკომენდაციების გათვალისწინების შემთხვევაში, კონუნქტივიტი ყოველგვარი გრძელვადიანი პრობლემების გარეშე ქრება.

რა იწვევს კონიუნქტივიტს?

ამის მიზეზი შეიძლება იყოს სხვადასხვა ფაქტორი, მათ შორის:

  • ვირუსები, გაციების გამომწვევი ვირუსის ჩათვლით
  • ბაქტერია
  • გამღიზიანებლები, როგორებიცაა შამპუნი, ჭუჭყი, კვამლი და საცურაო აუზის ქლორი
  • რეაქცია თვალის წვეთებზე
  • ალერგიული რეაქცია ყვავილის მტვერზე, ზოგადად მტვერზე და კვამლზე. ან ალერგია კონტაქტურ ლინზებზე
  • სოკოები, ამება და პარაზიტები

ბაქტერიული ან ვირუსული კონიუნქტივიტი ადვილად ვრცელდება ერთი ადამიანიდან მეორეზე, მაგრამ ჯანმრთელობის ზიანის მომტანი სერიოზული რისკები არ ახლავს თან, თუ სათანადოდ მოხდება დიაგნოზის დასმა და მკურნალობა.

კონიუნქტივიტის სიმპტომები

სიმპტომები დამოკიდებულია ანთების ტიპზე, მაგრამ ეს შეიძლება იყოს:

  • თვალის თეთრი ან ქუთუთოს შიგნითა ზედაპირის სიწითლე
  • კონიუნქტივას შეშუპება
  • გაძლიერებული ცრემლდენა
  • მოყვითალო სქელი გამონადენი, რომელიც რჩება წამწამებს შორის, განსაკუთრებით ძილის შემდეგ, რამაც შეიძლება გააძნელოს თვალების გახელა გაღვიძებისას.
  • მოთეთრო ან მომწვანო გამონადენი თვალიდან.
  • თვალების ქავილი
  • თვალების წვის შეგრძნება
  • მხედველობის დაბინდვა
  • ლიმფური ჯირკვლების შეშუპება (უმეტესად ვირუსული ინფექციების დროს)

მიმართეთ ექიმს, თუ

  • გაქვთ დიდი რაოდენობის გამონადენი თვალიდან.
  • სინათლეზე გრძნობთ თვალების ძლიერ ტკივილს.
  • მხედველობა მნიშვნელოვნად დაგიქვეითდათ კონიუნქტივიტის გამო.
  • გაქვთ მაღალი ტემპერატურა, ციება, ან მხედველობის დაკარგვა (ეს სიმპტომები ძალიან იშვიათია).

მიმართეთ ექიმს, თუ ახალშობილს აქვს კონიუნქტივიტი, რადგან ამან შესაძლოა მომავალში მხედველობის დაქვეითება გამოიწვიოს.

თუ გაქვთ მსუბუქი სიმპტომები, მაგრამ ორი კვირის განმავლობაში არ უმჯობესდება, მიმართეთ ექიმს.

როგორ მკურნალობენ კონიუნქტივიტს?

კონიუნქტივიტის მკურნალობა დამოკიდებულია იმაზე, თუ რით არის გამოწვეული ანთება (ვირუსი, ბაქტერია, გამღიზიანებლები, ალერგიები). სამკურნალო საშუალებების შერჩევა ხდება უშუალოდ ექიმის მიერ. მედიკამენტების დანიშვნის გარდა, ექიმმა შეიძლება მოგცეთ პრაქტიკული რჩევები, თუ როგორ შეგიძლიათ შეიმსუბუქოთ კონიუნქტივიტის სიმპტომები.

კონიუნქტივიტის დროს, ანთებით გამოწვეული სიმტომების სამკურნალოდ შეიძლება გამოყენებული იყოს ბიორეგულაციური მედიცინის მედიკამენტი გუნა-მატრიქსი.

გუნა-მატრიქსი კომპლექსური პრეპარატია და მასში შემავალი კომპონენტების უნიკალურ და ეფექტურ კომბინაციას წარმოადგენს. როგორც ბიორეგულაციური მედიცინის ყველა საშუალება, ეს მედიკამენტიც თანამედროვე ჰომეოპათიის, იმუნოლოგიისა და პათოფიზიოლოგიის პრინციპებზე არის დაფუძნებული. დამატებითი ინფორმაცია ამ მედიკამენტის მოქმედებისა და ექსტრაცელულარული მატრიქსის მნიშვნელობის შესახებ შეგიძლიათ იხილოთ სტატიაში “უჯრედშორისი სივრცე და ანთებითი დაავადებები“.