ჩვენ შესახებ

კეთილი იყოს თქვენი მობრძანება ბიორეგულაციური მედიცინის სამყაროში!

ცოტაოდენი ჩვენ შესახებ

კომპანია „ნატუროპათი“ დაარსდა 1996 წელს. თვით კომპანიის სახელწოდებაშივე არის ასახული ჩვენი მიზანი და მსოფლმხედველობა.

ნატუროპათი სინთეზური სიტხვაა, რომელიც 1900 წელს შემოღებული იქნა ამერიკის შეერთებულ შტატებში მოღვაწე ბუნებრივი საშუალებებით მკურნალთა საზოგადოების მიერ. დღეისათვის სიტყვა ნატუროპათი (Naturopath), ისევე როგორც საუკუნის წინ ბუნებრივი საშუალებებით მკურნალს ნიშნავს. ერთი განსხვავებით, დღეს ამ სპეციალობის ქვეშ გაერთიანებულია არა თვითნასწავლი ენთუზიასტები, არამედ უმაღლესი განათლების მქონე პროფესიონალი ექიმები, რომლებსაც განათლება მიღებული აქვთ ევროპისა და ამერიკის ნატუროპათიული მედიცინის უნივერსიტეტებში, ინსტიტუტებსა და კოლეჯებში.

ნატუროპათები იყენებენ მედიცინის თანამედროვე საშუალებებსა და მეთოდებს, ისინი პრიორიტეტს ანიჭებენ ეფექტურ და უსაფრთხო ბუნებრივ საშუალებებს. თანამედროვე ნატუროპათიულ მედიცინაში გამოიყენება ის საშუალებები და მეთოდები, რომელთა ეფექტურობა დადასტურებულია გამოცდილებით და დამტკიცებულია სამეცნიერო კვლევებით. მათში ასახულია კაცობრიობის მრავალსაუკუნოვანი სიბრძნე და გამოცდილება. ამიტომ, ჩვენი დევიზია: „უძველესი ტრადიციებიდან…  მეცნიერულ მტკიცებულებებით…  ეფექტურ მკურნალობამდე…“

როდესაც ვსაუბრობთ ნატუროპათიულ მედიცინის საშუალებებზე ვგულისხმობთ იმ საშუალებებსა და მეთოდებს, რომელიც მიმართულია ორგანიზმში დარღვეული წონასწორობის (ჰომეოსტაზის), ბიოლოგიურად მიზანშეწონილი და მიზანმიმართული თვითმარეგულირებელი სისტემების აღდგენაზე, მათ რეგულაციაზე და არა ცალკეული პროცესების სტიმულაციაზე ან სიმპტომების დათრგუნვაზე. სწორედ ამიტომ ამ მიმართულებას უწოდებენ ბიოლოგიურ, ბიორეგულაციურ, ჰოლისტიკურ ან ინტეგრაციულ მედიცინას. მას მიეკუთვნება: ფიზიოლოგიური რეგულაციური მედიცინა, იზოპათიური სანუმ-თერაპია, ჰომოტოქსიკოლოგია, ჰომეოპათია, აღმოსავლური ტრადიციული (ჩინური და კორეული) მედიცინა, ფიტოთერაპია, ბალნეოთერაპია, ფსიქოთერაპია, რაციონალური ქვება, გამოჯანმრთელების სპეციალური ფიზიკური და ფსიქიკური სისტემები და მრავალი სხვა.

საქართველოს ფარმაცევტულ ბაზარზე უმაღლესი ხარისხის ნატურალური, უსაფრთხო და რაც მთავარია, ეფექტური ბიორეგულაციური საშუალებების მიწოდების მიზნით მოსახლეობას ვთავაზობთ მსოფლიოში ცნობილი, ევროპული კომპანიების GUNA-ს (იტალია, მილანი), Sanum-Kehlbeck-ის (გერმანია, ჰოია), Heel-ის (გერმანია, ბადენ-ბადენი), Helixor-ის (გერმანია, როზენფელდი), vitOrgan-ის (გერმანია, ესლინგენი) ეფექტურ, უმაღლესი ხარისხის ბიორეგულაციურ მედიკამენტებს, GUNA-ს (იტალია, მილანი), Biofrid-ის (გერმანია, ჰოია) და Sanum-Kehlbeck-ის (გერმანია, ჰოია) საკვებ დანამატებს და კოსმეტიკურ საშუალებებს. ასევე Breastlight-ის (დიდი ბრიტანეთი, ჰადერსფილდი) და Braunform-ის (გერმანია, ბალინგენი) სამედიცინო ხელსაწყოებს.

გახსოვდეთ! აფთიაქი „ნატუროპათი“ თქვენი, და თქვენი ახლობლების სანდო და ერთგული პარტნიორია დაავადებათა პროფილაქტიკასა და ეფექტურ მკურნალობაში.