IV-ეტაპიანი სანუმ-თერაპია
სანუმ პრეპარატების გამოყენება შეიძლება როგორც კომპლექსურ ასევე მონო-თერაპიაში. მიუხედავად ამისა ავსტრიელი ექიმის, პროფესორ კონრად ვერტმანის მიერ შემუშავებული იქნა Sanum-თერაპიის IV ეტაპიანი მკურნალობის სქემა. როგორც პრაქტიკამ აჩვენა ქვემოთ მოყვანილი მკურნალობის სქემა გაცილებით უფრო წარმატებული მკურნალობის ფუნდამენტია.
I ეტაპის მიზანი – შინაგანი გარემოს (ენდოეკოლოგიის) აღდგენა. ამისათვის საჭიროა:
- შინაგანი მეტაბოლური ნარჩენების განეიტრალება და მათი ელიმინაცია;
- წვრილი ნაწლავის ზედა ნაწილის მჟავა-ტუტოვანი წონასწორობის აღდგენა, პრეპარატებით ალკალა „ტე“ (Alkala T) და/ან ალკალა „ენ“ (Alkala N);
- მიკროორგანიზმებისათვის შეუსაბამო მიკროგარემოს შექმნა: ობის სოკოს (Mucos racemosus) შემთხვევაში სანუვისით (Sanuvis), ხოლო სოკო ასპერგილუს ნიგერის (Aspergilus nigeris) შემთხვევაში ციტროკელით (Citrokehl);
- ნაწლავის ატროფირებული ლორწოვანი გარსის აღდგენა;
- ქრონიკული ანთებითი კერების (პირის ღრუ, სინუსები, ნუშურები, ნაღვლის ბუშტი და სხვა) სანაცია.
ამ ეტაპზე სანუმ-პრეპარატები საშუალებას იძლევა ქსოვილებიდან გამოვდევნოთ ინფექციური ტოქსინები, პათოგენური (მაღალგანვითარებული) ფორმების მიკრობები გადავიყვანოთ აპათოგენურში (პრიმიტიულში) და აღვადგინოთ ნაწლავების მიკროგარემო.
II ეტაპის მიზანი – ქრონიკული ანთებითი პროცესების ალაგება და პენიცილინის რიგის სოკოს პრიმიტიულ ფორმებში დაბრუნება. ამისათვის 14 დღის განმავლობაში ინიშნება ძირითადი პრეპარატები: ნოტაკელი (Notakehl) ან ქვენტაკელი (Quentakehl) და დამატებითი პრეპარატები: ფორტაკელი (Fortakehl) ან ექსმიკელი (Exmikehl) და ფორმასანი (Formasan).
სოკო Penicilinum-ის განვითარების ციკლი პრაქტიკულად ყველა ანთებითი პროცესის ინდუქტორია, ამიტომ მკურნალობის დასაწყისშივე გამოიყენება პენიცილინის რიგის პრეპარატები, მაღალგანვითარებული (ვირულენტური) ფორმების სუსტად განვითარებულ (პრიმიტიულ)ფორმებში რევერსიისათვის.
III ეტაპის მიზანი – საბაზისო მკურნალობა. ამისათვის 2 (ან მეტი) თვის განმავლობაში ტარდება მკურნალობა სქემით 5+2. რაც ნიშნავს, რომ 5 დღის განმავლობაში (ორშაბათიდან – პარასკევის ჩათვლით) ინიშნება ძირითადი, სოკოს ლიზატების პრეპარატები: მუკოკელი(Mucokehl) დილით და ნიგერსანი (Nigersan) საღამოთი ან სანკომბი (Sankombi) დილით და საღამოთი, ხოლო 2 დღეს (შაბათს და კვირას), დღეში ერთხელ ნოტაკელი (Notakehl) ან ქვენტაკელი (Quentakehl).
ვინაიდან ობის სოკო და სოკო ასპერგილუს ნიგერი ორგანიზმში განვითარებული დაავადებების (მწვავე და ქრონიკული პათოლოგიებისას) ძირითად გამომწვევებია, მკურნალობა მათ წინააღმდეგ წარიმართება. ამ სოკოებთანაა ასოცირებული პრაქტიკულად ყველა ქრონიკული დაავადება:
- გულ-სისხლძარღვთა სისტემის დაავადებები;
- ლიმფური სისტემისა და პარენქიმატოზული ორგანოების დაავადებები.
I-III ეტაპი წარმოადგენს მოსამზადებელ ეტაპს იმუნოთერაპიის ჩასატარებლად. განსაკუთრებით მნიშვნელოვანია კუჭ-ნაწლავის ლორწოვანის და მისი იმუნობიოლოგიური ფუნქციის აღდგენა. სანამ ნაწლავების ლორწოვანი, ბაქტერიული ფლორა, პეიერის ფოლაქები არ იქნება აღდგენილი, იმუნურ თერაპიას აზრი არა აქვს.
ზემოთ აღწერილი სანუმ-იზოპათიური თერაპიის ეტაპები, საშუალებას გვაძლევს აღვადგინოთ იმუნური სისტემა, განსაკუთრებით ნაწლავის. მხოლოდ ამის შემდეგ გახდება შესაძლებელი თერაპიის მე-4 ეტაპზე გადასვლა, იმუნობიოლოგიური (იმუნოტროპული) პრეპარატების გამოყენებით.
IV ეტაპის მიზანი – დამატებითი იმუნომოდულაცია იმუნობიოლოგიური პრეპარატებით. ამისათვის დაავადების შესაბამისად ინიშნება პრეპარატები: უტილინი (Utilin), რეკარცინი (Recarcin), უტილინ „ს“ (Utilin S), ლატენსინი (Latensin), სანუკელი (Sanukehl), E და/ან B ჯგუფის ვიტამინები და მიკროელემენტები თუთია (Zinkokehl) ან სელენი (Selenokehl) ან მაგნიუმი (Mapurit) და ა.შ. საჭიროების მიხედვით.