გასტრიტი – მიზეზები, სიმპტომები და მკურნალობა

გასტრიტი – მიზეზები, სიმპტომები და მკურნალობა

გასტრიტი კუჭის ლორწოვანი გარსის ანთება, გაღიზიანება ან ეროზიაა. ის არის არა ერთი კონკრეტული დაავადება, არამედ გარკვეულ ვითარებათა ჯგუფი, რომელიც კუჭთან დაკავშირებული პრობლემებით და სიმპტომებით ვლინდება. ის შეიძლება უცებ გამოვლინდეს (მწვავე) ან თანდათანობით განვითარდეს (ქრონიკული).

ამ სტატიაში განხილული იქნება გასტრიტის:

გასტრიტის მიზეზები

გასტრიტი შეიძლება გამოწვეული იყოს  ალკოჰოლის ჭარბი მიღებით, ქრონიკული ღებინებით, სტრესით, ან ზოგიერთი მედიკამენტით – როგორებიცაა ასპირინი, იბუპროფენი და ანთების საწინააღმდეგო სხვა არასტეროიდული საშუალებები. ის ასევე შეიძლება გამოწვეული იყოს ჩამოთვლილთაგან რომელიმე მიზეზით:

  • Helicobacter Pylori (H. Pylori) – ბაქტერია რომელიც კუჭის ლორწოვან გარსში ბინადრობს. თუ ინფექცია არ იქნება ნამკურნალევი, მას შეუძლია კუჭის წყლული ან ზოგიერთ შემთხვევაში კუჭის კიბოც გამოიწვიოს.
  • ნაღველის რეფლუქსი – როცა ნაღველი თორმეტგოჯა ნაწლავიდან უკან – კუჭში გადმოდის;
  • ინფექციები – გამოწვეული ბაქტერიებითა და ვირუსებით.

სანუმის (SANUM) თეორიის მიხედვით გასტრიტის უმეტესი შემთხვევების პათოგენეზში წამყვან როლს მჟავა-ტუტოვანი ბალანსის დარღვევა ასრულებს, რასაც დაავადების შემდგომი განვითარება მოყვება.

ეს პროცესი შემდეგნაირად მიმდინარეობს: კუჭში მჟავიანობა თანდათანობით ქვეითდება, თორმეტგოჯა ნაწლავში კი იმატებს. ამის ფონზე, მიკრობები გამრავლებას იწყებენ ნაწლავებში, შემდეგ კი თანდათანობით გადმოინაცვლებენ თორმეტგოჯა ნაწლავსა და კუჭში. შედეგად ზიანდება კუჭის ლორწოვანი გარსი, ირღვევა მონელების პროცესები, რასაც შესაბამისი სიმპტომების გამოვლენა მოყვება.

კუჭში მჟავა-ტუტოვანი ბალანსის დარღვევა ეროზიების გაჩენას და პათოგენური მიკრობების, განსაკუთრებით კი − H. Pylori-ის, გამრავლებას უწყობს ხელს.

სწორედ ამ მოვლენებს ეფუძნება გასტრიტის 4-ეტაპიანი სანუმ-თერაპია, რაც განხილულია პარაგრაფში: „გასტრიტის ნატუროპათიული მკურნალობა“.

გასტრიტის სიმპტომები

გასტრიტი უმეტესად მსუბუქი ფორმით მიმდინარეობს და სხვადასხვა ადამიანში სხვადასხვა სიმპტომებით ვლინდება. ეს შეიძლება იყოს:

  • გულისრევა;
  • მუცლის შებერილობა;
  • მუცლის ტკივილი
  • ღებინება;
  • კუჭის აშლა;
  • მუცელში წვის შეგრძნება საკვების მიღებამდე ან ღამით (“მშიერი ტკივილი”);
  • სლოკინი.

როგორ ისმება გასტრიტის დიაგნოზი?

გასტრიტის დიაგნოზი ისმება პაციენტის ისტორიასა და შემდეგ გამოკვლევებზე დაყრდნობით:

  • სისხლის ანალიზი: ის ტარდება სისხლში H. Pylori-ის ანტისხეულების აღმოსაჩენად. დადებითი პასუხი ამ ბაქტერიის ორგანიზმში ოდესმე მოხვედრის შესახებ მიუთითებს, მაგრამ მოცემულ მომენტში მიმდინარე ინფექციის არსებობას ვერ ადასტურებს. ასევე, სისხლის ანალიზით მოწმდება ანემია, რაც შეიძლება კუჭიდან გასტრიტით გამოწვეული სისხლდენის შედეგი იყოს.
  • განავლის ანალიზი: რისი საშუალებითაც განავლის ნიმუშში H. Pylori-ის არსებობა მოწმდება. დადებითი პასუხი მიმდინარე ინფექციაზე მიუთითებს. განავალში სისხლის არსებობა შეიძლება კუჭიდან სისხლდენის ნიშანი იყოს.
  • კუჭ-ნაწლავის კონტრასტული რენტგენოსკოპია: ბარიუმის სითხის დალევის შემდეგ, რომელიც მომნელებელი ტრაქტის ზედაპირს ამოფენს, მომნელებელი სისტემის ზოგიერთი პრობლემის ნიშნების შემოწმება ადვილად არის შესაძლებელი.
  • ზედა კუჭ-ნაწლავის ენდოსკოპია: ეს პროცედურა ისეთი დარღვევების ჩვენების საშუალებას იძლევა, რომლებიც რენტგენული გამოკვლევით ხშირად ხილული არ არის. თუ კუჭის ზედაპირის რომელიმე ნაწილი საეჭვოდ გამოიყურება, თქვენი ექიმი ენდოსკოპში ჩამაგრებული სპეციალური ინსტრუმენტის საშუალებით მცირე ნიმუშს აიღებს (ბიოფსია). შემდეგ ეს ნიმუში ლაბორატორიაში პათანატომს ეგზავნება, რომელიც მას მიკროსკოპის საშუალებით შეისწავლის. ამ პროცედურისას კუჭის სისხლდენის და კედლის პერფორაციის რისკები საკმაოდ დაბალია. ყველაზე გავრცელებული გართულება, რაც შეიძლება იყოს, ეს არის ენდოსკოპის გადაყლაპვით გამოწვეული ყელის მსუბუქი ტკივილი.

ზემოთ ჩამოთვლილი გამოკვლევებიდან თქვენთვის ოპტიმალური მეთოდის შერჩევა ხდება თქვენს მკურნალ ექიმთან შეთანხმებით და ყველა მათგანის ერთდროულად გამოყენება არ არის აუცილებელი.

გასტრიტის ალოპათიური მკურნალობა

მკურნალობა დამოკიდებულია დაავადების გამომწვევზე. ის შეიძლება მოიცავდეს ცხოვრების წესის შეცვლას, მედიკამენტებს და იშვიათად – ქირურგიულ ჩარევას. მედიკამენტებს შორის შედის ანტაციდები, H-2 რეცეპტორების ანტაგონისტები, პროტონული ტუმბოს ინჰიბიტორები, ანტიბიოტიკები, ანტიდიარეული აგენტები და სხვა. ამ მედიკამენტების დიდი ნაწილი მოქმედებს დაავადების შედეგზე და არა მის გამომწვევ მიზეზებზე. ზოგ პაციენტში ამ მედიკამენტებმა სხვადასხვა გვერდითი ეფექტი შეიძლება გამოიწვიოს:

  • ანტაციდები ანეიტრალებს გამოყოფილი კუჭის წვენის მჟავიანობას და შესაბამისად ხსნის მასთან დაკავშირებულ სიმპტომებს, მაგრამ ვერ არეგულირებს მჟავების ჭარბ გამოყოფას. მაგნიუმის შემცველმა ანტაციდებმა შეიძლება გამოიწვიოს დიარეა, კალციუმის ან ალუმინის შემცველებმა – ყაბზობა და იშვიათად, ხანგრძლივი გამოყენების შემთხვევაში კი – თირკმლის კენჭები. ალუმინის შემცველმა ანტაციდებმა ხანგრძლივი გამოყენების შემთხვევაში შეიძლება გაზარდოს ოსტეოპოროზის განვითარების რისკი.
  • H2 ჰისტამინური რეცეპტორების ბლოკატორები: მათ მიეკუთვნება რანიტიდინი, ციმეტიდინი და სხვები, რომლებიც საკმაოდ ხშირად ინიშნება. ამ პრეპარატებმა შეიძლება გამოიწვიოს თავის ტკივილი, თავბრუსხვევა და დაღლილობის შეგრძნება; იშვიათად ახალგაზრდა მამაკაცებში იწვევს გინეკომასტიას და ლიბიდოს დაქვეითებას.
  • პროტონული ტუმბოს ინჰიბიტორები: ომეპრაზოლი და ამ ჯგუფის სხვა პრეპარატები. მათი გრძელვადიანი გვერდით ეფექტები ნაკლებად არის შესწავლილი, ამიტომ სარწმუნო მონაცემების ნაკლებობის გამო მათ უსაფრთხოებაზე საუბარი საკმაოდ რთულია. ყველაზე ხშირ გვერდით ეფექტებს მიეკუთვნება თავის ტკივილი, გულისრევა, დიარეა, მუცლის ტკივილი, თავბრუსხვევა და დაღლილობის შეგრძნება. იმის გამო, რომ კუჭის მჟავები მნიშვნელოვანია ბევრი ნივთიერებების შეწოვაში, სხვადასხვა მონაცემებით ამ მედიკამენტებმა შეიძლება ხელი შეუშალოს რკინის, კალციუმის, მაგნიუმის და B12 ვიტამინის შეწოვას. ასევე, არსებობს მონაცემები ამ პრეპარატების Clostridium difficile  და სხვა ბაქტერიულ ინფექციებთან კავშირის შესახებ.

გასტრიტის ნატუროპათიული მკურნალობა

გასტრიტთან დაკავშირებული სიმპტომების სამკურნალოდ არსებობს დამხმარე ნატუროპათიული საშუალებები, რომლებსაც ალოპათიური მედიკამენტების მსგავსი რისკები და გვერდითი მოვლენები არ ახასიათებს; გარდა ამისა, თავიანთი ნატურალური კომპონენტების და მეცნიერულად დადასტურებული მოქმედების გამო, ნატუროპათიული საშუალებების მიღება უსაფრთხო და ეფექტურ არჩევანს წარმოადგენს. ნატუროპათიულ მედიცინაში სხვადასხვა მეთოდები და მიმართულებები არსებობს. ჩვენ აქ მოგითხრობთ მხოლოდ რამოდენიმე ყველაზე ეფექტურ მეთოდზე.

SANUM ოთხეტაპიანი მკურნალობა ვერტმანის მიხედვით

ნატუროპათიულ მედიცინაში რიგი დაავადებების სამკურნალოდ შემოთავაზებულია მრავალეტაპიანი და კომპლექსური მიდგომა, რომელსაც „4-ეტაპიანი Sanum-თერაპია“ ეწოდება.

ამ მეთოდის ავტორი გახლავთ ავსტრიელი ექიმი, პროფესორი კონრად ვერტმანი, რომლის მიერ შემუშავებული თერაპია რამდენიმე საფეხურისგან შედგება და დაავადებასთან დაკავშირებულ სხვადასხვა ფაქტორზე მოქმედებისკენ არის მიმართული.

იმავე პრინციპების დაცვით, 4-ეტაპიანი სანუმ-თერაპია შეიძლება გამოვიყენოთ გასტრიტის სამკურნალოდაც. დაავადების სიმძიმიდან გამომდინარე, ეს მეთოდი შეიძლება გამოყენებული იყოს დამხმარე სახით ალოპათიური მედიკამენტების პარალელურად ან მათგან დამოუკიდებლად, აგრეთვე, სხვა ნატუროპათიულ საშუალებებთან ერთად.

ქვემოთ ნახსენები მედიკამენტების უმეტესი ნაწილის მწარმოებელი გახლავთ საერთაშორისოდ აღიარებული გერმანული კომპანია სანუმი (Sanum), სწორედ აქედან მომდინარეობს მკურნალობის ამ პრინციპის სახელწოდება.

სანუმის მიხედვით, გასტრიტის მკურნალობის I ეტაპზე, ნაწლავებში ტუტე გარემოს აღსადგენად ალკალა ენ (ALKALA N) გამატუტიანებელი ცხელი ხსნარი არის საჭირო – რითიც პირველ რიგში ამ პათოგენური ბაქტერიებისთვის გამრავლების პირობები ირღვევა. ასევე, ტუტე გარემო ხელს უწყობს სასარგებლო ბაქტერიების გამრავლებასაც.

გასტრიტის მკურნალობის I ეტაპზე ასევე გამოიყენება ფორტაკელი − ეს პრეპარატი დამზადებული გახლავთ Penicillium roqueforti-ის ჯგუფის ბაქტერიებისგან − ეს ნაირსახეობა ხელს უწყობს ნაწლავებში სასარგებლო ბაქტერიებთან სიმბიოზის აღდგენას. ფორტაკელი ტაბლეტების, სანთლების, კაფსულების, წვეთების და ამპულების სახით − მედიკამენტის ფორმის შერჩევა უნდა მოხდეს მკურნალი ექიმის მიერ.

ასე რომ, პირველ ეტაპზე ხორციელდება კუჭ-ნაწლავის ტრაქტში მჟავა-ტუტოვანი ბალანსის და სიმბიოზის აღდგენა.

II ეტაპზე, სიმბიოზის აღდგენასთან ერთად საჭიროა ლორწოვანი გარსის მთლიანობისა და დამცავი ფუნქციის აღდგენა. ამისათვის შეიძლება გამოვიყენოთ საკვები დანამატი კოლოსტრო-ნონი (Colostro-Noni).

ამ ეტაპზე, ალოპათიურ საშუალებებთან ერთად ეფექტურად შეიძლება გამოყენებული იყოს ბიორეგულაციური მედიკამენტი გუნა-სტომაქი (GUNA-STOMACH), რომელიც გამოიყენება, კუჭის და თორმეტგოჯა ნაწლავის როგორც მწვავე ასევე ქრონიკული დაავადებების დროს. ის არეგულირებს ანთებას და აღადგენს დარღვეულ ფიზიოლოგიურ პროცესებს.

ამგვარად, მკურნალობის მეორე ეტაპზე ხორციელდება კუჭის ლორწოვანი გარსის მთლიანობისა და ფიზიოლოგიური ფუნქციონირების აღდგენა.

დამატებით, III ეტაპზე – ლორწოვანის დამცავი ფუნქციის და ადგილობრივი იმუნიტეტის გასაძლიერებლად გამოიყენება სანუმის პრეპარატი რებასი (Rebas) – ეს მედიკამენტი დამზადებული გახლავთ პეიერის ფოლაქებისგან. ეს ფოლაქები ნაწლავის ლიმფოიდურ ქსოვილში გვხვდება და იმუნურ სისტემაში მავნე აგენტებთან ბრძოლის პირველ პუნქტს წარმოადგენს. ამიტომ, პრეპარატი რებასი ააქტიურებს პიერის ფოლაქებს რითაც აძლიერებს ნაწლავურ იმუნიტეტს.

აქედან გამომდინარე, თერაპიის მესამე ეტაპზე ხორციელდება კუჭ-ნაწლავის ტრაქტის დამცავი იმუნური მექანიზმების სტიმულაცია.

შემდეგ ეტაპზე გადასვლისათვის მნიშვნელოვანია პირველი სამი ეტაპის სრულყოფილად ჩატარება.

ბოლოს, IV ეტაპზე, ბიორეგულაციური მედიცინის ერთერთი მიმართულების, სანუმის თეორიის მიხედვით, უნდა გავამყაროთ მიღებული შედეგი და გამოვიყენოთ შემდეგი მედიკამენტები: ლატენსინი (Latensin), უტილინი (Utilin), რეკარცინი (Recarcin) – ეს პრეპარატები გახლავთ ბაქტერიული ლიზატები, რომლებიც ეფექტურ იმუნომოდულატორებს წარმოადგენენ.

ასე რომ, მკურნალობის მეოთხე ეტაპზე ხორციელდება ორგანიზმის იმუნომოდულაცია.

მკურნალობის მთელი ამ კურსის წარმატებით ჩატარების შემდგომ ხდება ორგანიზმში დარღვეული მჟავა-ტუტოვანი ბალანსისა და კუჭ-ნაწლავის ტრაქტის იმუნური ფუნქციების აღდგენა.

ამ მეთოდის უპირატესობას წარმოადგენს  გამოყენებული მედიკამენტების აბსოლუტურად უსაფრთხოება და გვერდითი ეფექტების არ არსებობა. აგრეთვე, დაავადების სიმძიმიდან გამომდინარე, ეს კურსი შესაძლებელია გამოყენებული იქნას დამოუკიდებლად ან დამხმარე სახით ალოპათიურ (სინთეზურ) პრეპარატებთან ერთად, რამაც შესაძლოა კიდევ უფრო ხელი შეუწყოს მათ მოქმედებას.

თქვენზე მორგებული მკურნალობის სქემის შესადგენად და დამატებითი ინფორმაციისათვის შეგიძლიათ დაგვიკავშირდეთ ჩვენს საინფორმაციო წყაროებზე.

როდის უნდა მიმართოთ ექიმს?

ზოგ შემთხვევაში გასტრიტი უფრო რთულად და საშიში სიმპტომებით მიმდინარეობს, რის გამოც დროული სამედიცინო ჩარევა ხდება საჭირო. ექიმთან ვიზიტი აუცილებელია, თუ:

  • სიმპტომები ერთ კვირას ან მეტ ხანს გრძელდება;
  • გაქვთ სისხლიანი ან ყავის ნალექის ფერის პირღებინება;
  • განავალი შავი (კუპრისებრი) ფერისაა.

გაზიარება

დატოვეთ კომენტარი

თქვენი ელ-ფოსტის მისამართი არ გასაჯაროვდება.